Juventus ne Serie B (-9 pik)

Vizitor

Objektivi i Juves, 100 pikët

Ja skenari i mundshëm për të synuar zonën e "play-off"-it në Serinë B, me qëllimin në A

Juventus penalizohet në mënyrë ekstreme, një preçedent i paparë për Futbollin italian. Zbritja e bardhezinjëve në Serinë B duke i shtuar edhe -30 pikë të tjera të cilat Juventus duhet ti rekuperojë janë një situatë tej e vështirë për skuadrën e Deshamp. Asnjë ekip i Serisë A nuk ishte penalizuar në të kaluarën në një mënyrë kaq drastike. Në momentin që drejtuesit e futbollit italian po shpallnin dënimet për skuadrat të cilat ishin përfshirë në skandalin më të bujshëm të Serisë A, të gjithë pothuajse kanë menduar njëzëri: "Juventus në Serinë A mund të rikthehet vetëm pas dy sezonesh". A mund të ndodh vërtetë një gjë e tillë me një skuadër të nivelit "me pesë yje"? Le të analizojmë pak disa të dhëna. Në dy kampionatet e fundit të Serisë B, në të cilin luajnë plot 22 ekipe, diferenca e pikëve midis të parës dhe skuadrës e cila është renditur në pozicionin e shtatë kanë qenë vetëm 15 pikë. Skuadra e cila pozicionohet në vëndin e shtatë ka shumë rëndësi të përmendet sepse ekipi që gjendet në fund të kampionatit vetëm një vënd më lart pra ai që renditet i gjashti ka të drejtë që të ndeshet në përballjet e "play-off" të cilat e dërgojnë fituesin e çiftit në Serinë A. Me një penalizim të tillë pikësh Fiorentina dhe Lacio të cilat janë ndëshkuar me përkatësisht me -12 dhe -7 pikë të cilat gjithashtu do të luajnë në Serinë B kanë më shumë shanse se bardhezinjtë që sezoni i 2007-2008 t'i gjejë në Serinë A. Për të arritur në zonën "play-off", Juventusi duhet të grumbullojë jo më pak se 96 pikë. Skuadra e Deshampit duhet ta përfundojë sezonin e Serisë B me 28 fitore, 12 barazime dhe të mos humbasë më shumë se dy ndeshje. Nëse Juventusi dëshiron që sezonin tjetër futbollistik ta luajë në Serinë A pa fazën e "playoff" atëherë duhet të grumbullojë jo më pak se 108 pikë. Për të evituar zonën e nxehtë të Serisë B në të cilin skuadrat rrezikojnë që të spostohen në Serinë C Juves i duhen plot 81 pikë, me të njëjtën sasi pikësh Atalanta sezonin e kaluar ka arritur të pozicionohet e para e Serisë B. Po Milani çfarë duhet të bëjë në mënyrë që sezonin e ardhshëm ta luajë në Ligën e Kampionëve? Duhet të grumbullojë 89 pikë.

Juvja, prezanton trajnerin
Deshamp: Seria A, thuajse e pamundur
Pas vendimit të gjykatës së shkallës së parë, me Juventusin në Serinë B me 30 pikë penalizim, trajneri i ri Didië Deshamp është pesimist: "Është e vështirë të arrish Serinë A vetëm në një vit, - tha tekniku francez gjatë prezantimit. - Përkundrazi, me 30 pikë penalizim, është thuajse e pamundur, por ne e kemi për detyrë të provojmë, sepse Juvja duhet të jetë një krenari e të gjithëve. Ndonjë shpresë? Nëse do të na heqin një pjesë të mirë nga penalizimi 30 pikësh, mund të ishte ndryshe." Sigurisht, nuk do ta kishte imagjinuar asnjëherë që aventura e tij në stolin e Juventusit do të fillonte në këtë mënyrë: të katapltuar në Serinë B me një "groposje" prej 30 pikësh penalizim. "Kush do të jetë sipas meje reagimi i tifozëve bardhezinj, në veçanti i atyre të skuadrave të tjera? Kush i urrente, do t'i urrejë edhe më shumë. Kush i ka dashur, do t'i dojë edhe më shumë. Do të flas me lojtarët. Do të ketë sigurisht provokime, e dimë dhe duhet të jemi të përgatitur. E ardhmja e lojtarëve? Unë do t'i mbaja të gjithë. Por nëse do të zgjidhja një, do të thosha Kanavaro, sepse është një lojtar vendimtar. Nedvedi? Kur fola me të, isha i bindur se do ta pranonte projektin sportiv. Disa ditë më parë fola edhe me Del Pieron dhe më tha që do të qëndrojë. Ai është i dashuruar pas kësaj fanelle, është një simbol dhe një shembull, që do t'i lejojë shokët e tjerë të marrin pjesë në këtë aventurë." Meriton një kapitull më vete çështja "Zidane", duke parë miqësinë që i lidh dy francezët, që kanë luajtur së bashku si te Juvja, ashtu edhe me Francën: "Ajo ndeshje ishte sintezë e karrierës së tij futbollistike, - shpjegon Deshampi. - Duke filluar që nga magjitë, fiziku, dëmtimi, provokimi dhe reagimi. Më vjen keq para së gjithash për të, rëndësia që iu dha gjestit të tij, ishte e madhe dhe vetëm sepse është një idhull në Francë, pati një trysni të madhe mediatike. Por nuk është ai imazhi i vërtetë si Zizusë, që në Francë, adhurohet për shumë gjëra të tjera."

Moxhi: Më vjen keq për skuadrat e tifozët
Një vendim tepër i ashpër: Juventusi në Serinë B me 30 pikë penalizim, Moxhi dhe Xhiraudo të pezulluar 5 vjetë. Kanë qenë këto vendimet e Caf-it, pas një mbledhjeje të stërgjatur. Luçiano Moxhi, sikurse pohoi vetë ai, ndihet jashtë botës së futbollit dhe ëkshtu që jo i përfshirë drejtëpërsëdrejti: "Nuk më vjen keq për veten, por për skuadrat e përfshira dhe për tifozët e tyre." Por ish-drejtori i përgjithshëm i Juves ka dashur ta japë mendimin e tij për atë që ai e ka cilësuar si një gjykim të padrejtë: "Të gjitha rezultatet e arritura në fushë kanë qenë të rregullta, renditjet e Juventusit dhe të kundërshtarëve kanë qenë realisht siç paraqiten nëpër tabela. Asnjë ndeshje nuk është manipuluar, asnjë gjyqtar nuk është kushtëzuar. Dhe ja përse Juventusi së pari, skuadrat e tjera, por mbitëgjitha tifozët, janë ndëshkuar padrejtësisht nga kjo çështje. Dhe për këtë më vjen më shumë keq."